Хабарҳо

Иштирок дар роҳпаймоӣ

Рӯзи 24 ноябри соли равон бахшида ба Рӯзи Парчами давлатӣ дар майдони Исмоили Сомонӣ бо иштироки донишҷӯёни донишгоҳу донишкадаҳо ва муассисаву корхонаҳо роҳпаймоии идона доир гардид. Дар он зиёда аз 40 ҳазор нафар иштирок намуданд.

Боиси зикр аст, ки дар ин чорабинии муҳимми сиёсӣ устодону кормандон ва донишҷӯёни Донишкадаи молия ва иқтисоди Тоҷикистон низ фаъолона ширкат варзиданд. Аз донишкада беш аз 2 ҳазор донишҷӯ ва 300 нафар устодон бо сарварии ректори донишкада Ашурбой Солеҳзода роҳпаймоӣ намуда, арҷгузорӣ ва эҳтироми хоси худро нисбати муқаддасоти миллӣ – Парчами давлатӣ нишон доданд. Ин иқдоми ҷавонон бозгӯи ваҳдати миллӣ ва якдигарфаҳмии аҳли ҷомеа ва дастгирӣ аз сиёсати пешгирифтаи давлату Ҳукумати Ҷумҳурии Тоҷикистон буда, барои боз ҳам таҳким бахшидани пояҳои истиқлолияти давлатӣ такони ҷиддӣ мебахшад.

Машҳура Абдуллоева