Хабарҳо

Курсҳои омӯзишӣ барои гумрукчиён

Аз 23 то 27 ноябри соли равон бо ташаббуси Хадамоти гумруки назди Ҳукумати ҶТ дар ноҳияи Ҳисор курсҳои омӯзишӣ оид ба омода намудани инструкторҳо ва баҳодиҳии гумрукӣ гузаронида мешаванд. Ин курсҳоро кормандони мақомоти гумрук, декларантҳо, брокерҳо ва чанд нафар устодони ДМИТ, аз ҷумла Нуралиев А., Иматшоев З., Шомуддинов О. низ мегузаранд.

Тавре Иматшоев З., иттилоъ дод, ин курсҳо асосан масъалаҳои роҳҳои истифодабарии усулҳои баҳодиҳӣ, талаботҳо оид ба қабули арзиши додугирифт, усули захиравӣ ва аз нав ҳисобкунии асъорро дар бар мегирад. Машғулиятҳо бо овардани мисолҳои амалӣ оид ба масоили дар болозикршуда гузаронида мешаванд.