Хабарҳо

Корҳои ободонӣ дар ДМИТ

4 декабри соли равон кормандони хоҷагӣ барои тозаву озода намудани саҳни донишкада шанбегӣ гузарониданд. Барои ободу зебо гардонидани роҳраву гулгаштҳо баргҳои хазонгаштаро рӯбучин ва бехи дарахтонро нарм карданд.

Тавре муовини ректор оид ба масъалаҳои иқтисодӣ ва маъмурию хоҷагӣ Саймаҳмуд Қаландаров гуфт, чунин корҳои сабзу хуррамгардонӣ дар таълимгоҳ ба таври доимӣ гузаронида мешавад ва он барои болобурди маърифати экологии донишҷӯён ва ободонии донишкада мусоидат менамояд.