Хабарҳо

Буҳрони молиявӣ ва таъсири он

Дар таърихи 6 апрели соли ҷорӣ факултети муносибатҳои иқтисоди байналмилалӣ маҳфили илмӣ-назариявиро дар мавзӯи «Буҳрони молиявии ҷаҳонӣ ва баъзе ҷабҳаҳои назариявии он» баргузор намуд.
Маҳфилро Зафар Ҳалимхонов, ассистенти кафедраи фаъолияти гумрукӣ ифтитоҳ намуда, оид ба мавзӯи зикргардида фикру ақидаи худро баён намуд.
Ҳамзамон донишҷӯёни курси 2 Шохрух Насимов дар мавзӯи «Таъсири буҳрони молиявии ҷаҳонӣ ба иқтисодиёти Тоҷикистон ва чораҳои зиддибуҳронӣ дар кишвар» ва Ҳоҷиев Олисомон дар мавзӯи «Таъсири омилҳои буҳрони молиявии ҷаҳонӣ ба иқтисодиёти миллӣ» маърузаҳои пурмуҳтаво намуданд.
Гуфта шуд, ки буҳрони молиявӣ дар тамоми ҷаҳон ҷараён дошта, ба иқтисодиёти Тоҷикистон низ бетаъсир намондааст ва барои аз ин вазъият баромадан Давлату Ҳукумати Ҷумҳурии Тоҷикистон тамоми чораҳоро дида истодааст.

Хусрав Муҳиддинов