Хабарҳо

Масъалаҳои муҳими иқтисодиёт ва идоракунии давлат

Дар таърихи 26 апрели соли равон маҳфили илмии донишҷӯёни кафедраи иқтисод ва идора бахшида ба 25-умин солгарди Истиқлолияти давлатӣ дар мавзӯи «Масъалаҳои муҳимми иқтисодиёт ва идоракунии давлат» баргузор гардид.
Дар оѓози маҳфил профессори кафедра Ваҳҳоб Воҳидов оид ба масъалаҳои гузаштаву имрӯзаи иқтисодиёт ва нишондиҳандаҳои молиявии кишвар ибрози андеша намуд. Мавсуф қайд кард, ки дар шароити  имрӯза барои боз ҳам тараққӣ додани соҳаи мазкур кадрҳои баландихтисосро бештар тарбия ва ба ин самт равона бояд сохт.
Сипас донишҷӯи курси 3 Гулаёзов Ш. дар мавзӯи «Иқтисодиёти ниҳонӣ», донишҷӯи курси 1 Замонова И. дар мавзӯи «Нақши сармоягузорӣ дар инкишофи иқтисодиёт ва бартараф гардидани проблемаҳои он», донишҷӯи курси 2 Соҷида Н. дар мавзӯи «Фаъолияти соҳибкорӣ дар замони имрӯза» ва донишҷӯи курси 3 Абдуллоев О. дар мавзӯи «Идоракунии давлат, мазмун ва моҳияти он» маърузаҳои пурмуҳтаво карданд.
Дар охир байни иштирокчиён мубодилаи афкор сурат гирифт.

Хусрав Муҳиддинов