Хабарҳо

Нақши Президент дар рушди иқтисод

Дар ҳамин мавзӯъ 15 ноябри соли равон бо ташаббуси садорати факултети молия ва қарз бахшида ба Рӯзи Президенти Ҷумҳурии Тоҷикистон дарси кушод баргузор гардид.
Дар оғоз бо сухани ифтитоҳӣ мудири кафедраи фанҳои гуманитарӣ А. Муллоҷонов баромад намуда, меҳмонон ва ҳозиринро ба муносибати ҷашни Рӯзи Президенти Ҷумҳурии Тоҷикистон табрик намуд.
Баъдан Содиқҷон Бойматов, устоди кафедраи фанҳои гуманитарӣ дар мавзӯи мавриди назар баромад намуда, вобаста ба пешравиҳои кишварамон бо роҳнамоӣ ва ҳидоятҳои Пешвои миллат, муҳтарам Эмомалӣ Раҳмон ибрози ақида кард.
Ҳамзамон профессор Нодир Одилов дар бобати бедорсозии ҳисси ватандустӣ ва хештаншиносии ҷавонон сухан ронда, аз ҷавонон даъват ба амал овард, ки ғамхориҳои Президенти кишвар муҳтарам Эмомалӣ Раҳмонро нисбати ҷавонон ба инобат гирифта, дар ҷодаи илмомузӣ кӯшиш ба харҷ диҳанд ва дар пешрафти кишвари азизамон Тоҷикистон саҳми босазои худро гузоранд.

 
Зарнигор Ҳимматова, эдвайзер оид ба тарбияи факултети молия ва қарз