Хабарҳо

Мақоми аудит дар низоми назорати дохилӣ

Бо ҳамин мазмун рӯзи 21 ноябри соли равон дар донишкада кафедраи аудит ва ревизия маҳфили илмии донишҷӯёнро баргузор намуд. 
Маҳфилро мудири кафедра Парвиз Орзуев ҳусни оғоз бахшида, доир ба мавзӯи матраҳшаванда ибрози андеша намуд. 
Сипас устоди кафедра С. Аҳмадҷонова дар мавзӯи «Мақоми аудит дар низоми назорати дохилӣ» маърӯза кард.
Барои боз ҳам ҷолиб ва пуртаъсир гузаштани маҳфил аз эксперти соҳибтахассус дар масъалаи гузаронидани аудит М. Достиев хоҳиш карда шуд, ки донишҷӯёнро бо ҳуҷҷатҳои гузаронидани санҷишҳои аудиторӣ шинос намоянд. Дар ҷараёни баромад номбурда донишҷӯёнро бо тарзи тайёр намудани ҳуҷҷатҳо ва ба кадом навъ гузаронидани санҷишҳои аудиторӣ шинос кард.
Донишҷӯёни болаёқат Сарфароз Амакҷонов дар мавзӯи «Намудҳои аудит» ва Фирдавс Ҳайдаров дар мавзӯи «Намудҳои хулосаи аудиторӣ» тариқи слайдҳо маърӯзаҳои пурмуҳтаво карданд.

Абубакр Раҳмонов,
ассистенти кафедраи аудит ва ревизия