Хабарҳо

Баҳсҳо дар муносибатҳои ҳуқуқи андоз

Бо ташаббуси кафедраи ҳуқуқи иқтисодӣ ва молиявии факултети менеҷмент ва ҳуқуқи молиявӣ семинари илмӣ дар мавзӯи «Ҷавобгарии маъмурӣ-ҳуқуқӣ ва баҳсҳо дар муносибатҳои ҳуқуқи андоз» баргузор гардид. Онро мудири кафедраи ҳуқуқи иқтисодӣ ва молиявӣ Саидалӣ Ҳаитов ифтитоҳ намуда, ба донишҷӯён доир ба мазмуну муҳтавои ин чорабинӣ иттилоъ дод. 
Сипас сардори Раёсати аудити дохилии Кумитаи андози назди Ҳукумати Ҷумҳурии Тоҷикистон Ҷ. Нурзода баромад карда, доир ба ҷанбаҳои қонунгузории андоз дар Ҷумҳурии Тоҷикистон, тартиби татбиқи муҷозот дар системаи қонунгузории андоз иттилоъ дод.
Дар навбати худ донишҷӯён ба саволҳои хеш дар робита ба ин мавзӯъ посухҳои қаноатбахш гирифтанд. 
Ҳамзамон дар рафти семинар дотсенти кафедра Ҷ. Бобоев ва ассистенти кафедра Ф. Каримов маърӯза намуданд. 

Насрулло Тӯйчизода