Хабарҳо

Шанбегии навбатӣ дар ДМИТ

Рӯзи 12 марти соли равон бо мақсади кабудизоркунӣ, ниҳолшинонӣ, ободу зебо гардонидан ва тозаву озода нигоҳ доштани биноҳои таълимӣ ва хобгоҳҳо, ҳамчунин қад-қади роҳи калони кӯчаи Борбад донишҷӯёну кормандони Донишкадаи молия ва иқтисоди Тоҷикистон бо азму иродаи қавӣ ба шанбегии умумӣ баромаданд.
Дар шанбегӣ устодону кормандон ва донишҷӯён зиёда аз 800 нафар иштирок намуда, атрофи роҳи калони кӯчаи Борбадро то кӯчаи Нахимови ноҳияи Сино рӯфта ва ба тартиб дароварда, ҷӯйборҳоро тоза карданд.
Ҳамчунин як қисми донишҷӯёну кормандон атрофи ин таълимгоҳро тоза карда, заминҳоро побел ва бехи дарахту буттаҳоро мулоим карданд. Ниҳоли дарахтони сузанбарг ва санавбар шинонданд. Ҳамзамон аломати нишондоди роҳро рангубор карданд.
Ин қабил шанбегӣ то ҷашнгирии иди байналмилалии Наврӯз идома хоҳад ёфт.

Машҳура Абдуллоева