Хабарҳо

Вусъати корҳои ободонӣ

Тибқи дастуру супориши Вазорати маориф ва илми Ҷумҳурии Тоҷикистон ҷиҳати ободонӣ имрӯз дар донишкада шанбегии умумидонишкадавӣ шуда гузашт. Дар шанбегӣ устодону донишҷӯён зиёда аз 300 нафар иштирок намуда, муташаккилона гирду атрофи донишкадаро тоза ва заминҳои наздиҳавлигиро нарм карданд. Бо ин ҳашари умумӣ аҳли донишкада ҷиҳати тоза нигаҳ доштани муҳити зист ва дар ободониву кабудизоркунии шаҳри Душанбе саҳми арзандаи хешро гузоштанд. 
Аҳли донишкада аз кӯчаи Борбади ноҳияи Сино (масҷиди католикӣ) то кӯчаи Нахимов 64/14 ҳудуди бозори Деҳқонро тозаву озода карданд. Ҳамчунин заминҳои наздиҳавлигиву бехи дарахту буттаҳоро мулоим ва ҷӯйборҳоро тоза карданд.
Бояд қайд намуд, ки шанбегӣ ду рӯзи дигар, яъне 31 октябр ва 1 ноябр давом хоҳад кард.

Бегмурод Раҷабов, 
сардори шуъбаи тарбияи донишкада