Хабарҳо

Эҳсонкорӣ

Санаи 23 ноябри соли равон садорати факултети молия ва қарз дар баргузории ҷашнвораи тантанавӣ бахшида ба Рӯзи Парчами давлатӣ таҳти унвони «Парчамат бодо парафшон Тоҷикистони азиз», ки дар муассисаи давлатии таҳсилоти умумии мактаб-интернати №1 барои кӯдакони ятими шаҳри Душанбе баргузор гардид, иштирок намуданд. Онҳо барои болидахотирии таълимгирандагони ин боргоҳи илм туҳфаҳои идона тақдим карданд. 

Дар охири ҷамъомад ҳунармандон ва тарбиятгирандагони мактаб-интернати мазкур бо шеъру сурудҳои ватандӯстона хотири иштирокчиёнро болида гардониданд.